Cibi ko Tawava kei na kena Veiwekani

"Na veigauna era cavuisausau kina na Kawa ni dua na vanua era na dau cibi na vuvale, mataqali, yavusa kei na kena veiwekani."

E cadra e dua na matanisiga vou ena koro o Tawava ni oti na veidigidigi ni yabaki qo ka cavuisausau kina edua na gone ni Yavusa Nauluvatu, Hon. Ifereimi Vasu. E muria na mawedra na kawa kei Nauluvat era sa liu. Ena nodra qaqa ni masu ka rogo na domo ni vaka emeni kei na vaka aleluya kivua na Kalou ena noa ena gauna sa kerea kina mera dodoma mai na ligadra kara masulaka na nona bula na Minisita kei na nodra vuvale kei na itavi digitaki vaka Minisita
Na Yavusa Nauluvatu era vakoro ena koro o Tawava edaidai. Ia o Tawava e dua vei ira na koro ena tikina o Yawe ena Babatokalau kei Kadavu ka cavutu mai kina na turaga Minisita.

E basika na irairai qo edaidai ena Studio 6 ena nodra maqusa na koro o Tawava mai vei ira na gone me yaco vei ira na qase ena nodra marautaka na Kawa ni yavusa o Nauluvatu ena delana cecere era sa yacova. Era veitataunaki vakavuvale ena itutu vou era na laki qarava. Na maroroi ni Kawa iTaukei, sega walega e Kadavu, ena loma ni tinikava na yasana e Viti. Sa gadrevi kina na veiliutaki e matau ka macaukona.

"Ke dua na ka me ra na dolea lesu kina vanua vakaturaga ko Nauluvatu kei na Yasana vakaturaga ko Kadavu ena vuku ni nodra solia na medra kei na kedra ka mai rawati kina na qaqa, sai koya na nodra na solia na nodra igu kei na nodra dina me ra na qaravi vakavinaka sara na tinikava na yasana e Viti mai na loma ni kena valenivolavola ni yasana era sa vakarurugi mai ki na nodra veiliutaki kana dau sakitaki tu sega walega ki na dela ni soso vakaturaga e Nauluvatu, ia ena Kadavu balabalavu taucoko".

Era vakavinavinakataka na veisusu ena loma ni vuvale vanua ka lai rawati kina na lagilagi. Dina ni a sotava eso na dredre ena gauna ni veiqaravi vakacakacaka ia basika e vica na ilawalawa kara veivuke vakalevu ena kena vakacokotaki tale na bula kei na veiqaravi.

Ni lai dre o Malolo me cava na soqo e vakadinadinataki ni ra marautaka na vuvale vanua na soqo ka sa na idusidusi me ra dusimaki kina na isausauvou mera dau cakacaka vakaukaua