Na yanuyanu o Ovalau kei Moturiki, a qarava na soqo ni kena vakabulabulataki na itovo vakavanua, cakacakaniliga, na vosa kei na kena isulusulu, ena siga Vakaraubuka na ika 23/10/2020 ena rara e Nasova, Ovalau. E tiki tale ga ni soqo qo na kumuni ni soli ni tikina ena cakacaka ni veivakatorocaketaki. E iulutaga ni soqo na VEIVAKADUAVATATAKI NI VANUA KO MOTORIKI KEI OVALAU ENA KENA MAROROI NA NODATOU VANUA.  

Era vulagi dokai ena soqo na itabaqase ena loma ni yanuyanu e rua, mani kena mata mai e dua na turaga [yabaki 89], dua na marama ka tiko na nodra yabaki ni bula ena 87. Ena nona vosa o Na iVakatawa vakacegu Jone Bonewa mai Visoto, Lovoni, e vakamacalataka kina na veika e sotava, ena gauna taucoko ni nona bula. Ra vamacalataka na duidui ni tagede ni veiliutaki e donumaka, kei na duidui ni veiliutaki e sotavi, vakabibi na ivakarau ni rogo lewa.

Era vakatekivu ena gauna vakoloni, tarava e dua na gauna voravora - nira veiliutaki kina na Buli Ovalau kei Motoriki, sa qai donumaki na gauna mera sa tiko kina na Turaga Roko ena veiyasana - me yadrava na cakacaka ni veivakatorocaketaki ena vanua.

Era vakabibitaka ena itinitini ni nodra vosa na bibi ni duavata ena ivakarau ni kena solevaki na cakacaka, ra veitauriliga ka qarava vata na itavi-  ni oqo na vanua e dau tiko kina na Kalou.

Arrow
Arrow
PlayPause
ArrowArrow
Slider