Ena ika29 ni siga ni Noveba a vakayacori kina na soqo ni siga ni iYaubula kei Namuka, qaravi ena koro o Visoqo.

Na inaki ni soqo qo mera vakaraitaka kina na lewe ni tikina na veikilaka vakavanua era dui taukena; ka vakadinadinataki ena kena vakaraitaki na ibe vakaNamuka. Era veisisivi cakacakaniliga, meke seasea ni koro o Lakeba, vucu, na Buiniga, na veisisivi vosa, serekali, veisisivi vatunuloa ena kena ukutaki ena veika era kilai tani kina.

Ia, e sega wale ga nira vakaraitaka na nodra kilaka vakavanua, era vakavinavinakataki tale ga na qase ni vanua; ena nodra maroroa na iyaubula ni vanua, me bau vakaivotavota kina na itabagone ena gauna qo. Era vakadreti na itabagone ena nodra maroroa na itovo ni vanua o Namuka, me rawa ni maroroi kina na kena iyaubula.