Ena ika 28-29 ni siga ni vula ko Noveba, a qaravi kina na soqo ni yasana o Naitasiri ena Siria Park e Nausori. Na soqo siga rua qo e kena ulutaga tiko na ‘Na noqu itovo, Na noqu Laqwa me noqu ivaqa. Era dolava na soli na veituraga bale ni veitikina ka ra sogota na gone ni yasana o Naitasiri era vuli tu ena veikoronivuli torocake.

E vakaitavi kina na 16 na tikina ena loma ni yasana, ka ra vakaraitaki buiniga, ukutaki bolabola, meke kei na vucu ni vanua, vosanivanua kei na serekali, e taucoko na veika e vakarautaki ena soqo.

Era dui boletaka na kedra icavuti, e ukutaki na bolabola ena nodra kau ni vanua kei na veika era kilai tani kina. So vei ira na vakaitavi ena vosanivanua, serekali kei na buiniga era daramaka na isulu draunikau ka ra dui cavuti kina.

E totoka nira vakaitavi na qasenivanua, na itabagone ena meke, serekali kei na laga vucu ni vanua. E vakaraitaka na nodra cuqena ka tokona na sasaga ni maroroi ka vakabulabulataki tiko ni itovo kei na vosa ni noda veivanua, vakabibi ena gauna vou qo.

Sa vakavinavinakataki vakalevu na vei mata-vanua, ena kena cuqeni tiko na sasaga ni valenivolavola ni yasana.