• Minister of iTaukei Affairs
  • PS for iTaukei Affairs
Minister's Welcome

imageOn this platform we hope to provide you universal access and greater global awareness on our mandated role for the wellbeing and good governance of Fiji’s iTaukei population locally and around the globe Read More

Permanent Secretary's Welcome

imageIt is with great pleasure that I present the reavamped website for the Ministry. The website highlights the objectives of the organization as we assist government in realizing its goal of a Better Fiji for All. Read More

Top News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20

iTaukei News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17

VEIKIDAVAKI VEI IRA NA SAUSAUVOU NI YASANA VAKATURAGA O SERUA.

Nodra vosa na Turaga Prime Minister ena soqo ni veikidavaki vei ira na Sausauvou ni Yasana Vakaturaga o Serua

Na Vanua Korolevu, Turaga na Vunivalu;

Na Vanua o Burenitu, Turaga na Railevu;
Turaga ni Veiyavusa, Vanua o Korolevu;
Turaga na iTalatala Qase ni Wasewase o Bau;
Marama Vukevuke ni Minisita ni Veika VakaiTaukei.
Vunivola Tudei ni Tabacakacaka iTaukei
Turaga na iliuliu ni Veitarogivanua
Turaga Vunilewa ni iTaukei Trust Fund Board;
Turaga Direketa e Nadave
Turaga Roko Tui ena Yasana e 14
Vakailesilesi Vakamatanitu

Turaga kei na Marama

Ni Bula vinaka

E kalougata na vanua vakaturaga o Korolevu ni mai nomuni na madigi ena vuli ni sauvaki ni vanua ka tiko ena ivakatagedegede ni sitivikiti III. Na veiliutaki e yavutaki ena loloma, ia e kena usutu na veiqaravi. Qo sa rui bibi kina na vuli – me vakararamataka na vakasama. Ia e dua na tiki ni veiliutaki na vakatulewa kei na dei ni lewa.

Oni kila niu a liutaka na mataivalu ni noda vanua, au dau vakataulewa. E tiki ni bula vakamataivalu na vakataulewa, kei na muri lewa. Na veiliutaki ena mataivalu, e vakayavutaki ena itutu, ia ena maumau na nomu itutu, kevaka era sega ni doka na nomu vakatulewa na lewe ni mataivalu. Ena beci na lewa kevaka era raica na turaga kei na marama era liutaki tiko, ni sega ni dodonu, ka sega ni dau veiqaravi na nodra iliuliu.

Ena rawa ni rogoci na lewa, ia ena sega ni dokai – na veidokai, veirokorokovi, ena vakauqeta na cakacaka vata, ka na rawati kina na veika lelevu. Na iliuliu vinaka ena dau ivakaraitaki vinaka, ka na vukei ira na lewenivanua mera cakacaka vakaukaua, ena nodra veilomanitaka na itavi.Ena levu na ka vou ni vulica, Ia na dina ena qai laurai ena kena lai cakacakataki ina koro. Eso na itavi e sega ni kilai levu, eso tale, ena sotavi kina na dredre.

Ena dokai ga na veiliutaki kevaka: eda sa walia rawa na veicacati; meda raica na veika vinaka vua e dua, kua na veiqati, me qaravi na vanua, kua na yalo kocokoco, vakadewataki na itukutuku dina, mera kila nira vakasalataki vaka dodonu, na lewenivanua, ka sega nira vunauci. E dodonu mera vukei, mera vakayagataka na veivakatorocaketaki e vakarautaka na matanitu.

Na vuli, ena vakararamataki kemuni na sausauvou. E levu na ka e dodonu moni kila ena veiliutaki. E levu na vuku, daunibisinisi, kei na daunipolitiki e vuravura, era vulica na veiliutaki. Ia qo sa nomuni magidi, moni vulica na veika era kila na kenadau e vuravura. Ia, ena vakatautaki ena yalo ni vuli. Na nomu makutu ena vuli, ena vukea na nomu veiqaravi. Ona dokai ena itovo ni veiliutaki. Ka ona walia rawa kina na dredre o sotava. Na veiliutaki vinaka ena dau rogoca na domodra na lewenivanua.

Au gadreva meu vakadeitaka tale na itukutuku au a vakaraitaka, ena itekivu ni noqu vosa: na veiqaravi, na itavi kei na loloma. Kevaka o yavutaki ena loloma, sa na rawa ni o veiqaravi, ni qori na nomu itavi vaka dauniveiliutaki.

Vinaka vakalevu.

Arrow
Arrow
PlayPause
Shadow
ArrowArrow
Slider